بالصلاه على النبى كده مع بعض يا رجاله ونكمل باقى الفضايح
نقعد قاعده حلوه ونقول كلمتين حلوين وبدون تعليقات بقى الله يكرمكم كفايه الفضايح اللى انا فيها
واكيد طبعا انتو عارفين انا عاملة الموضوع ليه عشان هنعرف منها كل الجرايم اللى ارتكبناها فى حق اسرنا ومجتمعنا ككل
ههههههههههههههههههههههههههه
كل الجرايم اللى مشفهاش غير شاهد واحد بس الا وهو صفافيح الزباله.
نبدأ ونقول بسم الله
انا مش فاكرة كويس انا اول مرة دخلت عملت ايه
بس انا بقول المواقف ال حصلت معايا يعنى
من باب الفرفشة
بس هو غالبا اول حاجه عملتها سلقت بيض وعملت شاى
ههههههههههههههههههههههههههههههههه
كل جرايم الفتره اللى فاتت دى كان اكتر سبب فيها حاجه واحده انى بسيب الاكل ع البوتجاز واجى اقعد ع الكمبيوتر وبنسى نفسى بقى
اخر حاجه كنت قاعده بلليل جعانه قولت اقوم اعمل اكل اسلق بيض واعمل بطاطس
قومت وظبطت البطاطس وحطيتها تتقلى وحطيت البيض يتسلق وجيت على النت
مش عارفه بعد قد ايه حسيت بجوع تانى اتصدمت وقتها قولت الاكل ع البوتجاز بقاله سنه
على اما فوقت من الصدمه وروحت بقى لاقيت الشبورة نازله فى البيت جوا قولت سبحان الله حتى البيت فيه شبورة الشتاء وحش السنادى
هههههههههههههههههههههههههههههههههههههههه
روحت لاقيت البطاطس بلااااااااااااااااااااااااااااااك
سودااااااااا بس الشهاده لله كانت مقرمشه اوى حاجه عجب
هههههههههههههههههههههههههه
والبيض مبقاش بيض ههههههههههههههههه ريحته كانت قالبه الدنيا شياط بقى وما ادراكم ما شياط البيض
المهم فتحت الشبابيك وعملت للبيت تنفس صناعى لحد اما غيرت الهوا واطمنت ع الناس النايمه احسن يكونو ماتو مختنقين بس الامن كان مستتب والاوضاع تمام
بس تفتكروا انى يأست؟؟ واستسلمت ومعملتش اكل؟؟؟؟
لالالالالالالا ابدا .. فضلت متفائله وعندى امل وغيرت الزيت وجبت بيض تانى وبطاطس تانيه وفضلت صامده قدام التلفزيون لحد اما خلصو
مروحتش انا قدام الكمبيوتر تانى ,, النت بيعمل فيا مقالب كتير ,, بس انا كنت ناصحه فى تانى مره وفضلت جنب الاكل.
المره اللى قبلها بقى
كنا فى العيد الكبير,, وكان البيت كلهم بره وانا لوحدى هنا قولت اقوم اعمل اكل علشان الناس اللى هتيجي من بره جعانه دى حرام يجو ومفيش اكل ( كلام فى سركم بصراحه انا اللى كنت جعانه )
قولت هعمل لحمه ورز وخلاص علشان الوقت
قومت ظبطت اللحمه وعملتها وفل فل وحطيتها تستوى وطبعا مينخافش ع اللحمه لا وايه كنت بقوم ابص عليها
وقاعده مستنيه الشوربه علشان اعمل بيها الرز
اللحمه خلصت وتمام والشوربه كانت ايه تجنن بس مكنتش كتير اوى
عملت كتير منها ع الرز وقعدت شربت الباقى ( جعانه بقى )
المهم سيبت الرز يعيش وينتعش مع نفسه
والمثل بيقول اتقل على الرز
انا تقلت عليه اووووووووووووووووووووووى
بس المفروض كانت النار تبقى هاديه انا نسيت بقى اهدى النار عليه واسيبو مش عارفه كنت بعمل ايه وقتها على النت
المهم قومت بعد فتره من الزمن لا اعلمها اذ فجأتا اجى داخله اشم ريحه شياط قولت حلاوتك يحرق ابو النت وسنينه
وروحت لاقيت الرز ريحة شياطة تجنن المصيبه انو كان مفلفل وجاااااااامد مش عارفه ليه الحاجات بتبقى حلوه وهى بايظه
على العموم برضو مستسلمتش وروحت جايبه حتتين لحمه ورغيفين وقعدت كلت هو انا هجوع علشان الرز
هههههههههههههههههههههههههههههههههههه
اكيد فى بعض المهندسين هيسألوا ويقولوا طب والناس اللى جايه من بره دول وحرام مش هيلاقو حاجه ياكلوها هرد عليهم واقولهم
( مدام انا كلت والمعده مليانه والحاله النفسيه عاليه يبقى خلاص انا مالى بيهم لما يجو يبقوا يعملوا )
المره اللى قبلها
كنت بعمل كبده
ظبطت كل حاجه وعملت فيها العجب بقى توابل وشطه وتوم وبصل و و و يعنى ظبطتها اخر تظبيط
وسبتها تعيش وتتعايش مع نفسها على النار والحمد لله لحقت اخر حته كبده فيها مكنتش اتحرقت علشان كانت فوق خالص
وجاتلى واحده صحبتى الحمد لله اكلت كل الحته دى,, وروحنا كلنا كشرى ههههههههههههههههه
وفى مره برضوا كنت بعمل مكرونه بشاميل ويا سلام كنت مراعيه ضميري فيها اوى وتعبت فيها اوى اوى ههههههههههه
وحزنت عليها اوى اوى اوى اوى اوى
سلمتها للفرن بايديا علشان يبهدلها ويحرقها كده ,, غلطتى
مش عارفه ليه ملاحظه كل حاجه بعملها بضمير وبتعب فيها بتبوظ الظاهر مفيش احلى من الكوسه = العك
وفى مره كنت عند واحده قريبتى
كنا نعمل العشى ,, قولنا نعمل عجه اللي هى بتبقى طعميه على بيض
هى تخصص بطاطس تقشر وتقطع
انا بعمل العجه بقى مش فاكره عجينة الطعميه كانت فى الفريزر
طلعتها وسبتها لما اتظبطت وحطيت بيض وظبطت توابل يااااااه
وجايه بحطها فى الزيت وعينك ما تشوف الا النور
كل حته راحت فى مكان ههههههههههههه
باظت الطعميه سابت من بعضها
بس مفيش استسلام
عملتها كلها قطع قطع قطع هههههههههههههههههههههههههه
وكان طعمها ايه اخيييييييييييييييييييييييييييييييه
بس هنرميها يعنى؟؟؟؟؟؟؟؟
لا اكلناها طبعا ,, دا علشان بس ووقفنا وقفة رجاله
هههههههههههههههههههههههههههههههههههههههه
وفى مواقف كتير بتحصل غلطات وانا مش فاكره
دول بس اللى فاكرههم ولما افتكر هبقى اكملكو
بس محدش يضحك عليا
وكل سنه والجميع بخير
ولو حد عنده استفسار لاى حاجه حلويات او اى اكل
يتصل بيا من اى تليفون ارضى على
0900000000000000000000000000000
او من اى موبايل على
0135689751234897895425157897544
او زيرو طماطماية تلت خيارات اتاية
هههههههههههههههههه