زمان وانا صغير كنت بحلم ابقى كبير..دى اغنية للمطرب هشام عباس..واحنا صغيرين كل حاجة بتكون حلوة فى عينينا..بنحب بجد ونزعل بجد ونلعب بجد ونتكلم بجد ونحس بكل حاجة بجد..مفيش حقد مفيش غيرة مفيش انانية..احلامنا بسيطة ممكن يكون زى اى طفل لعبة ..شيكولاتة..تركب مراجيح.وطبعا كلنا شبة بعض يعنى اصلا مكنش عندنا ملاهى عشان نروحها..او حديقة
طفل..وكنا عايشينوالحمد لله..دلؤتى الحال اتغير ..والكل كبير وصغير تفكيرة بقا يحير..الطفل النهارة بعد ما كان بيدلعوة بيقولوا اوبح وماما زمانها جاية..وشيل الواد مالارض..دلؤتى الطفل اختلف تماما..وطبعا دة طبيعى جدا بسبب التطور الرهيب فى التكنولجيا وعالم الاتصالات الرهيب..زمان كنا بنتفرج على ماما نجوى وبقلظ..وبعدها بكار..ومازنجر وكدة..دلؤتى الطفل لو جيبتله مليون بقلظ اللى فى ماغة فى دماغة.. ....وبرغم ان الامكانيات وقتها كانت محدودةانما كانت العيشة لذيذة ..ياترى اطفال اليوم بيفكروا ازاى..وياترى احنا صح ولا هما اللى صح..وياترى زمان احسن ولا دلؤتى اسئله كتير..المهم الاطفال يتربوا صح ويعرفوا دينهم وتبقا فعلا وزراة التربية والتعليم على المستوى المطلوب ومنسمعش ان مدرس ضرب ولد موتة ولا الطلبة بتزوغ من عالسور..والناس كدة ترجع تانى تتسامح مع بعضها..احنا فعلا محتاجين نغير حاجات كتير..ونربى اولادنا صح