قلوب ضائعه

إلى كل قلب أحب وعرف معنى الحب وظلمته الحياة

إلى كل قلب حلم وعرف معنى الحلم وتمنى أن يحقق هذا الحلم

إلى كل قلب سافر لبعيد ولم يعرف طريق عودته

إلى كل قلب رفض الظلم بكل معانيه ورفض أن يعيش عليه

إلى كل قلب اخلص وقوبل بالغدر

ماذا فعل ليجنى هذا؟؟؟؟؟؟؟؟؟؟؟؟؟؟؟؟؟؟

موضوع جميل شكرا ليكى


انتى لية دايما حزينة كدة

موضوع جميل هو فعلا كل مواضيعها حزينه

مرسيه على ردكم انا مش حزينه ولا حاجه بس اللى احنا عايشين فيه يخليك غصب عنك حزين

لا بالعكس والله اضحكى للدنيا تضحكلك
اسألينى انا عن الضحك هههههههههههههههههههههه

يعمل اية يتوضى ويصلى ركعتين هههههههههههههههههههههه

هو طبعا الصلاه بتريح كتييييييييييييير اوى وبتخرج الانسان من همه وبتنسيه همومه واستعينوا بالصبر والصلاه والضحك برضه بيريح كتير

المشكله فى البنات انهم لما بيزعلوا او يحزنوا من الصعب جدا تخرجهم من شعورهم دة..مش عارف لية بيعشقوا الحزن...عايزين جنازة ويشبعوا فيها لطم...دة حتى الست لو مات جوزها كل اللى بتفكر فية انها تروح تجيب سمك وتعمل رز عشان تغدى الناس اللى جاية تعزى...ربنا ينتقم من اللى كان السبب ..

مش حكاية اننا بنعشق الحزن بس لو الموضوع يستدعى الحزن اكيد لازم نزعل

نزعل اة بس منعشقش الحزن لان الحزن مش حلو عشان نعشقة وبعدين الخوف لتيجى تفرحى بعد كدة متعرفيش تفرحى لان ساعتها هيكون الحزن قضى على كل حاجة حلوة فيكى

معتقدتش ان الحزن ممكن يوصل الابنسان للمرحله دى برضه فيه ناس بتعرف تفصل بين الحزن والفرح ولا ايه

الحزن ممكن يوصل الانسان لاى حاجة...ولو الحزن مبيوصلش للنهاية اية اللى ممكن يوصل؟؟؟ ومفيش انسان على وجة الارض يقدر يفصل بين الحزن والفرح لانهم اتنين عكس بعض يعنى لو واحدة موجودة التانية اتوماتيك مش موجودة..ولا اننا لسة بنى ادمين مش الات.....

الحزن لو وصل الانسان للمرحله اللى ميغرفش يفصل فيها بين الحزن والفرح يبقى وصل للمرحله تانيه خالص ودى بتكون مرحلة الاكتئاب وفى الحاله دى مستحيل انه يفصل بين الحزن والفرح ولو وصل لأعلى مرحله فى الكتئاب بيكون صعب علاجه فى المرحله دى على فكره انا بدرس علم نفس

ياترى اى نوع من علم النفس..؟؟ علم نفس نمو ولا شخصية ولا مقارن ؟؟
وياترى اية هوا تعريف الاكتئاب والقلق والخوف؟ وهل الدوافع والانفعالات ليها اثر على الانسان؟؟
وما هوا التأهب؟؟ وما هوا هرم ماسلو للحاجات الاساسية؟؟ وما هى نظرية الاشتراط الاستجابى؟؟ على فكرة ان كنتى انتى بتدرسى علم نفس فأنا درستة خمس سنين...وصدقينى الاكتئاب هو احد الدرجات القصوى للحزن وهوا عبارة عن حاله من الحزن يفقد فيها الانسان الرغبة فى تحقيق اى من اهدافة والاكتئاب ملوش دعوة اطلاقا بالفرح..لان الاكتئاب حاله من فقدان الرغبة وعدم وجود دافع الذى يعتبر المحرك الاساسى للشخص

الانسان لما بيوصل لمرحلة الاكتئاب مبيعرفش بيفرق بين اى حاجه فى حياته لان زى ماحضرتك قولت بيكون فاقد الرغبه فى كل شى حتى فى انه يعيش على فكره من الواضح ان حضرتك دارس علم النفس على توسع وممكن يكون ده تخصصك بس انا بدرسه كماده فرعيه مش اساسيه ولا هو تخصصى اصلا بس دى كانت اكتر ماده بحبها وكل حاجه تخص الماده دى لسه محتفظه بيها وغير كده لسه بدرسها ودى اول سنه ادرسها على توسع شويه

العميد بتاع الكلية اللى انا كنت فيها كان استاذ دكتور فى علم النفس ..فقرر اننا ندرس علم نفس الاربع سنين ترم اول وتانى..حضرتك انا بقيت شبة سجموند فرويد من كتر دراسة علم النفس..وياريت تنسى موضوع الاكتئاب دة ومتفكريش فية كتير ..فكرى مثلا فى شم النسيم والفسخ دة احسن كتير

اوك بس خلاص شم النسيم والفسيخ خلص خلاص

خلاص فكرى فى رمضان وكحك العيد وكل سنة وانتى طيبة..