مش لازم تحب علشان تتحب

مش لازم تحب علشان تتحب
الانسان بفطرته بيحب كل اللي حواليه وعلشان كده كلنا بنحب ونتحب

بس مش معني كده انا احنا منقدرش نتحكم في نفسنا لما تفكر تحب
لا لازم الانسان يبقي عنده وقدره علي نفسه والا يبقي كله هيحب كله

علشان كده في نصائح لينا كلنا للي بحب واللي هيفكر يحب واللي مش بيحب

اولا مش كل واحد يقولك بحبك يبقي صادق لازم نتاكد قبل ما نحب

ثانيا اللي بيحب انسان بيضحي علشانه بكل حاجه وبيخاف عليه اكتر من روحه

ثالثا لازم يبقي فيه بينا تفاهم وموده علشان نعرف نكمل مع بعض ودايما

رابعا لو حبيت تحب حب اللي قلبك يختارها مش اللي عينيك تعجبها

خامسا لازم قبل ماتحب شوف انت بتحب مين وبحبها ليه وعلشان ايه وهتكمل معاها ولا لا
وهتحبها زي هي ما بتحبك ولا لا غير كده يبقي الانسان ميفكرش يحب لانه كده بيظلم نفسه

خامسا اجعل اللي بتحبه عمرك اللي هتعيشه وهواك اللي بتتنفسه و عنيك اللي بتشوف بيها وكل شيى ء في حياتك

سادسا متحاولش تخدع اللي بتحبه ولا تكدب عليه لان لو اولها كدب يبقي اخرها ايه .............................؟

سابعا لو مبحبش بقي يبقي احسن لان ده بيبقي فيه راحه لا بتفكر في حاجه ولا شاغل بالك بحاجه

اتمني ان النصائح دي تنال اعجابكم وتفيدكم وتفيدنا معاكم

اميره الحب

اه عندك حق الانسان لو بيقول انا بحبك ممكن يبقى مش بيحبك بس احتمال يبقى معجب بيك ده الى بيخليه يكلمك شكر اعلى الموضوع الجميل ده ونصائح غاليه

بجد الموضوع كلة اجمل من بعضة وان شاء الله كدة على طول

حب اية الى انت جاى تقول علية !!!!!!!!!

تسلم ايدك اميرة الحب على طرحك للموضوع واللى بعتبرة من اهم المواضيع اللى طرحت فى منتدى الحب وهثبتة من ضمن المواضيع المهمة فى القسم

دى ظاهرة بين الشباب او ممكن يكون مرض او نقص فى شخصية الشاب

ماشى يدور على كل بنت يقولها انا وانا وانا لو رفضت خلاص هو مش خسران حاجة

ولو صدقت اهى لعبة فى ايدة لمدة شهر او اتنين لحد ماواحدة تانية تقع

ياريت كل بنت اى شاب يقولها كلام معسول تاخد بالها صدقينى انا متاكد انك ممكن تكونى محتاجة لكلام زى دا بحكم انك بنت

بس ياترى تفضلى كلام يكون خارج من القلب ولا كلام كلة كدب

الكلام دا موجة للشباب اللى فى المنتدى ياريت نعامل كل البنات زى اخوتنا نخاف عليهم ونحاول على قد مانقدر نسعدهم حتا ولو بكلمة حلوة بس تكون

متاكد انها خارجة منك كصداقة او اخوية مش بتقول على اساس انك حبيب لمدة معينة

الجزاء من جنس العمل .. وكل اللى انت بتعملة هيترد ليك فى بنتك او اختك او والدتك او اى انسان هيكون عزيز على قلبك اكيد هيحصلة حاجة

يتوجع بيها قلبك لانك وجعت قلوب ناس تانية

والله على مااقول شهيد

اتمنى لكم الثبات والتوفيق

عضو ذهبى تاريخ التسجيل : 17/07/2008

اللي بيحب انسان بيضحي علشانه بكل حاجه وبيخاف عليه اكتر من روحه
عوني كلمك صح والموضوع كويس اووووي

انا متشكره علي روددكم دي يا جماعه وريت يكون الموضوع عجبكم وان شاء الله اللي جاي يفيدنا كلنا

ان شاء الله يا فاطمه

انا عجبني جدا الموضوع وكلام محمد عوني المدير المتميز حقيقي 100%

حصلك مثلا يا رنا؟

الموضوع بجد جميل اوى وانا بقول يا نهر الحب ان محمد عونى عنده حق ورنا كمان اكيد طبعا بيحصل المفروض ان الى فى المنتدى كلهم اخوات بنات او ولاد كلنا اخوات

مش ضروري يكون حصلي انا بالذات بس عموما بيحصل

يا جماعه مش مهم حصل لمين المهم ان احنا نستفيد

اه المهم ان احنا كلنا نستفيد

موضوع متميز جدا ورائع

اه صح المفرض احنا فى المنتدى نحاول نستفيد من اى حاجهلانها ممكن تحصل لاى حد فينا فى الحياه والحياه تجارب

بجد الموضوع جميل وكلام محمد عونى جميل اوووووووووووى وكلامه فاطمه برده ونصائح حلوه

شكرا ليكي يا برنسيسه لولو واتمني ان الموضوع يعجبك

السلام عليكم

الموضوع جيد
ولكن
ماذا تعنى كلمه حب

هل كل كلمه حب تعنى حب شاب لفتاه ؟
الحب كبير وكتير

سؤال أخر ما هو أنواع الحب

أود ان أجيب على الأسئله التى طرحتها

كلمه الحب لا يجب ان تقال ولكن يجب ان تظهر من الشخص المحب أشياء تبين ذلك الحب للمحبوب
أود ان أقول الحب وأنواع

الحب
أولا حب الله ورسوله

حب الوالدين

حب الحياه

حب الخير لإخواننا المسلمين

ودا طبعا الحب المفروض

أما الحب الغير مفروض ومرفوض

وهو حب النفس وهو أنواع

حب المال

حب الذات وهو انواع أيضا

أما الحب الذى يتحدث عنه كل شاب لفتاه

أرجو ان يراجع هذا المعلومات قبل أن يقرر أنه يحب أم لا

أولا هل تحبها أكتر من نفسك ولا مجرد كلمات بنقولها وخلاص

هل تتمناها زوجه لك أم هو تضييع وقت وخلاص

هل فعلت مثلما يفعل كل شخص محترم ودخلت من الباب ولا دخلت من السطوح

هل تخاف عليها من الناس ولا تخاف عليها من نفسك

ومع ذلك الموضوع كبير

ولكن أعذرونى مضطر أغلق الحديث لظروف السفر
وأرجو عند العوده أجد ردود
والسلام عليكم ورحمه الله وبركاته

اسئلتلك جميله جدا واجابتها اجمل واتمني ان كل شاب علي المنتدي يدخل ويشوف كلام ده علشان يتعلم اصول الحب وانا متشكره اووي علي مشاركتك الفعاله دي يا يا محمد

اكيد هندخل ونستفيد

كل الكلام ده جميل ومش عارف أعبرلك عن إعجابى بالموضوع ده الزاى بس لما واحد يحب واحده ويكتشف إن صاحبو بيحبها المفروض من الى بيحب يعمل إيه

بس عاورز الرد بجد

المفروض لو انت حبيت واحده ولقيت صاحبك بيحبها يبقي لازم تعرف انها مش ليك وتصرف نظر عنها الا اذا كنت بتحبها اوي فيفضل حبها في قلبك لحد ما ربنا يسهل

فارس النور

منورنا ويارب يكون المنتدى عند حسن ظنك

بالنسبة لسؤالك انت بتقول مثلا انت بتحب واحدة وصاحبك بيحبها

طيب ماتشوف هيا بتحب مين لو حسيت انها بتحبك قبلة يبقى خلاص هيا ليك

ولا عايز تفهمنى انكم بتحبو واحدة وفجاءة اكتشفت من صديقك ان هيا دى اللى بتحبها؟

ياريت تحكى الموضوع من اولة عشان نقدر نقدم حل للمشكلة دى لو كنت تقدر تتكلم

سلام

ألأف شكريا فاطمه

مش كل حاجه حلوه دائما بتكمل

موضووع رائع بجد ربنا يخليك لينا يا حماده

مش لازم تحب علشان تتحب F0b157f7d9

اه اسالها الاول وشوف هيا بتحب مين وعايزه مين فيكم واكيد اللى بتحبه هتفضل معاه والا ايه
وبجد هو سؤال حلو اوووووووى
اما بالنسبه لموضوع فاطمه هو موضوع جميل جدا بس لو الانسان دا الكلام من بجد وحب حقيقى مش لازم اى بنت سمعت كلمه حلوه من واحد يبقى هو بيحبها لا دى ممكن يكون عاوزها لحاجه تانيه ومش كل الناس صادقه ومش بعض الشباب اما بيكلموا بيكون كلامهم صادق وحب حقيقى لا
وبجد كلام جميل

موضوع جميل مينحرمنش منك يا حبيب قلبى

مش كل حاجه حلوه دائما بتكمل بس اجمل شئ فى الدنيا الحب

فعلا عندك حق رايك جميل اوى
موضوع جميل