لما يوم أصــــــرخ وانـــــادي
م الأنيــن اللي ف فـؤادي
واطلب الحــق بجــراءة
ابقى ظــالم باجتهــادي؟!
الســؤال دايماً ف بـالي
فين يا ناس خيرات بـلادي؟!
هي بس حـلال لغيـرنا ؟!
ولا هو الأمــر عـادي ؟!
مش بطـالب بالـــوزارة
أو بشقــة ف المعــادي
ولا حتى أكــون زعيــم
أو حـرس يقعد قصــادي
كل طلبـي حاجـات بسيطة
هيَّ قــوتي وقـوت ولادي
أصلي غلبـان دايماً مسالـم
مش بحــارب أو بعـادي
ليه أموت م الجوع ف بلدي؟!
مش هعيش مظلـوم وراضي
قالوا عبر عن مطـــالبك
قلتها بشكل اعتيــــادي
رد لي من تاني صـــوتي
بدون إجـــابة من قيادي
فضلـت أتألـم وانـــادي
و"لا حيــاة لمن تنــادي"
هو ده طبــع الحكــومة
هو ده "شعـــار بــلادي"
يبقى لازم وبصـــــراحة
آخد الحق بجهــــــادي