مرتبط ... طب ليه؟ . مش مرتبط ... برده ليه ؟
انت مش مرتبط ليه؟؟
بس انا بصراحة عايزه اتكلم جد شوية
مين فينا محبش فى يوم ... حتى لو مصرحش بحبه
ربنا خلق جوانا الحب علشان نقدر نعيش مع بعض
ونفهم بعض ..... واكيد علشان نحب بعض
الحب رحمة ... موده... قوه ... بل منتهى القوة
وعمره ما كان علامة على الضعف
طيب نرجع لموضوعنا ..... انا شايفه ان ظاهرة الارتباط كتيرة اوى بين شباب الجامعات
كلام كتير حلو واحلام اجمل
بس فين واقع التنفيذ الفعلى؟؟؟؟
وكمان مقدرش انكر فى شباب وبنات بيسلوا وقتهم... مش كده ولا ايه؟
زى ما فى ناس بتحب بجد من كل قلبها
وانا اعرف ناس كده.... بتحاول انها تنفذ كل الكلام اللى بتقوله
بس انا شايفه انه صعب .....
فى زمننا الحب والرومانسية *معظمه وليس كله * بقى كلمات منسية
فى زمننا الكارنيه والجنيه اهم من الف حب
مش عايزه اكون انسانه خيالىه
بس اللى شيفاه قدامى ان واقعنا بقى مادى اووى وده اكتر شىء مدايقنى
معاك كام ...
بس انا اسف ان كنت خرجت عن الموضوع الاساسى ... بس هو مرتبط بيه عموما
انا دلوقتى خلصت كلامى
ومعنديش حاجه تانى اقولها
الدور عليكم انتوا
كل واحد يدخل الموضوع يقول رأيه
لو مرتبط ... ايه هي اسبابك ... وهل انت بتحاول بجد ان انت تخلى العلاقة دى تنجح
لو مش مرتبط يبقى ليه؟؟؟؟ ياريت كل واحد يقول رأيه
وانا مستنىه الردود يا رب يعجبكم