فى اليوم دة قررت انى لازم اعرف كل حاجة عن الشباب الروش الطحن اخر حاجة...الناس فى كل حتة ملهاش سيرة غير الفيس بوك..وعندك حساب عالجوجل وعملت اية فى برامج الهاكرز...وازاى اخد المايك من الغرفة ببرنامج سوبرا..ومين بوت مين ومين اللى رفع الاميلات...شغلانة وحكاية وحدوتة...لبست هدومى وضربت جيل بس بصراحة مليش فى البناطيل الساقطة ولا البديهات الضيقة اللى مكتوب عليها كلام لو فهموة اللى لبسينة اقسم بالله ما هيلبسوة...وهنا الجهل بقا نعمة للى زى دول...المشكله مش فى الولاد بس المشكله كمان فى البنات...كارينا وكلام ماينفعش اقوله واسكت يا لسانى خلى الموضوع ميتحذفش....المهم طقمت وخبطت النضارة البولس وهوبا نزلت....قابلت واحد اعرفة شاب صغير قالتة تعالى يا حلاوة..انا هاسألك شؤال بسيط ما هى الحكمة من تسقيطك للبنطلون؟؟ بكل بلاهة ابتسم ابتسامة الخجل..وقالى بمنتهى الغباء ما كل الناس بتعمل كدة..ايجابة تدل على انة مع العايمة ومش فاهم حاجة..كملت قابلت واحد تانى شايف نفسة شوية بورم يعنى..سألتة الا قولى يا كذا هوا انت لية مسقط البنطلون؟ قالى دى موضة...يسلام فعلا ولد حكيم..المهم الايجابة من علم النفس والشخصية هى ان الولاد دى بتقلد وخلاص...المشكله مش فى البنطلون ولا فى البادى المشكله فى الدماغ الدماغ شكرا عالاخر..وقسم بالله اطفال بتشرب مخدرات..يعنى اية؟؟ يعنى النشء باظ من دلؤتى..وكلام يدل على ان الموضوع انتهى ..ياعم كبر وانت مالك ...هوا احنا اللى هانغير الكون...طبعا انا مبسكتش وبرد والناس دى بتحترمنى وعشان كدة بتتكلم معايا بأسلوب كويس بس المصيبة وهما بيعملوا اهليهم ...ياااااة..قسوة وقله ادب فى التعامل..ياترى مين المسئول عن الشباب اللى بيضيع دة المجتمع ولا اهليهم ولا المدارس ولاولاولاولاولا مين؟؟
وياترى هانفوق عليهم ممسوكين فى قضايا حشيش ومخدرات واتجار وتعاطى وسرقة ومحاضر تعرض لانثى وتحرش وبعد كدة نقول يا ياريت اللى جرى مكان...ياريت يا جماعة اى حد بأيدة يغير حد او ينصحة او يقف جنبة ميترددش..صدقونى الموضوع خرج من البيت والمدرسة ولو سيبناهم يتربوا فى الشارع ربنا يتسر علينا وعليهم....