القضية الخامسة ((اسئله هامة للبنات والشباب )) ( حلقة نقاش ساخنة )

أعزائي القـراء موضوعي هـذا يتضمن نقاش بين كل بنت وشاب

في عدة اسئلة وأتمنى الصراحة فى الاجابة عليها

ونبـــدأ بالبنات

--------------------------------------------------------------------------------

_ماسبب مضايقة الشاب للبنت في الاسواق ؟
_هل تعقديين أن الشاب هو من يبدأ في معاكسة البنت أم العكـس ؟
_ ماسبب عدم إحتشام البنات أثناء خروجهم ؟
_هل تعتقدين أن التفتح هو سبب ظهور هذه الفتن مثل الكليبات والفضائيات الهابطة ؟
_ هل تتدخل أسرتك في إنتقاء ملابسك ؟وهـل هـذى يضايقك ويحسسك بعدم الرضاء عن نفسك ؟
_تعتقدين أن ملابس البنت هي من تفرض احترامها عند خروجها من بيتها ؟
_ مامدى تاثير الأصدقاء على أطباعك وشخصيتك ؟

اسئلة الشباب وكـذلكـَ أتمنى الصراحة فى الاجابة عليهـا

--------------------------------------------------------------------------------

_ ماهي نظرتك للبنت ذات الملابس الخارجة عـن حدود الأدب ؟
_ هل تحكم على أي بنت بمجرد النظر الي لباسها ؟ وماهو حد الحشمة عندك ؟
_ هل لحشمة الملابس دور في إحترام الفتاة أم أنها قناع زائف لدى بعض البنات ؟
_ هل تعتقد أن الغزو الفكري هو من أوصل أغلب الشباب الى نشر فضايح البنات ؟
_ هل أنت ممـن يؤيدون خروج الفتاة بـدون محـرم لسوق ٍ أو غيره من الأماكن العامة ؟
_ هل تقبـل أن تتـزوج بفتـاة ٍ عرضـت نفسها عليـك بعـد خروجهـا معـك ؟ ولمـاذا ؟

--------------------------------------------------------------------------------

أتمنــى الإجــابة بكـل صـراحــة ٍ ووضـــوح ....!ْ

ماسبب مضايقة الشاب للبنت في الاسواق ؟
بعيد عنك تفاهه منهم وانته اردى الشب لما يحب يخفف دم وهو اصلا رخم بيكون شكله عامل ازاي

_هل تعقديين أن الشاب هو من يبدأ في معاكسة البنت أم العكـس ؟
طبعا الشب مين البنت الي هتتجرا تعاكس شب ولو انها بتحصل احيانا

_ ماسبب عدم إحتشام البنات أثناء خروجهم ؟
لحظة اهدى علينا انته بتتكلم هنا عن نوعيه من البنات ربنا يهدينا بس مش الكل كده هي مش قاعده عامه

_هل تعتقدين أن التفتح هو سبب ظهور هذه الفتن مثل الكليبات والفضائيات الهابطة ؟
ممكن ليه لأ ولو مفيش اب زي الناس واخ كول كده سهل عادي ممكن ليه لأ

_ هل تتدخل أسرتك في إنتقاء ملابسك ؟وهـل هـذى يضايقك ويحسسك بعدم الرضاء عن نفسك ؟
لا ابدا عشان الملابس ديحريه مش من حق حد يدخل طالما لبسي محترم محدش له عندي حاجه

_تعتقدين أن ملابس البنت هي من تفرض احترامها عند خروجها من بيتها ؟
لا مش ضروري كل وحده مش محجبه تكون مش محترمه ولا ضروري العكس

_ مامدى تاثير الأصدقاء على أطباعك وشخصيتك
انا بحب اصحابي جدا ممكن يكون ليهم تاثير بس مش اوي يعني عادي بنتعامل كاصحاب محدش بيدخل فخصوصيات التاني اوي

شكرا على حلك لاسئلة وكلامك مجرد وجهة نظر ليكى ومنتظر رد بقية الاعضاء

السلام عليكم

أولا بهنئ الاخ محمد عوني على الديكور الجامد للمنتدى وشكله الجديد

ثانيا نجاوب على الأسئله ؟؟؟

ماهي نظرتك للبنت ذات الملابس الخارجة عـن حدود الأدب ؟
والله لو كان لبس البنت لبس محترم ومحتشمه أعتبرها مؤدبه ومش اي بنت متحجبه ومحتشمه محترمه
_ هل تحكم على أي بنت بمجرد النظر الي لباسها ؟ وماهو حد الحشمة عندك ؟
لا طبعا .....
_ هل لحشمة الملابس دور في إحترام الفتاة أم أنها قناع زائف لدى بعض البنات ؟
هوه ممكن يكون بيدي نظره حلوه للفتاه من ناحية الإحترام وأحيانا بيكون زائف
_ هل تعتقد أن الغزو الفكري هو من أوصل أغلب الشباب الى نشر فضايح البنات ؟
نعم ..... لأن الغزو الفكري هوه الي خلا الشباب يوصلوا لهذا الحد
_ هل أنت ممـن يؤيدون خروج الفتاة بـدون محـرم لسوق ٍ أو غيره من الأماكن العامة ؟
لا طبعا ..... لأن البنت لو خرجت بدون محرم ممكن اي واحد يتعرضلها وخاااااااااصه لو في الأماكن العامه
_ هل تقبـل أن تتـزوج بفتـاة ٍ عرضـت نفسها عليـك بعـد خروجهـا معـك ؟ ولمـاذا ؟
لا ................. لأنها لو جرجت معايه فممكن تكون عملتها مع غيري

شكرا على هذا الموضوع الساخن

اقتباس :: أولا بهنئ الاخ محمد عوني على الديكور الجامد للمنتدى وشكله الجديد

العفو انا بس حبيت اغير لانى حسيت ان الاعضاء بدات تزهق والتصميم فى تجدد مستمر

شكرا على اجابتك لاسئلة ... واتمنى مشاركة بقية الاعضاء

اقتباس :: شكرا على هذا الموضوع الساخن

العفو احنا فى خدمة الاعضاء

عمر اللبس ماكان مقياس لسمعه بنت
لا طبعا..انها تكون مش مبينه حاجه من جسمها
عند بنات كده وبنات تانيه لا مش كده
ممكن
اوقات اوقات
مش فاهم السؤال ده

والله ياعونى المشكلة فى البنت نفسه

ان الله لايغير مابقوم حتى يغيرو مابانفسهم

الموضوع مش كده يا شباب الموضوع جيل من بعد جيل بس يا رب مع مرور الأجيال مننساش إننا مسلمين ولينا عادات وتقاليد علمهالنا القرآن الكريم وتركهالنا الرسول عليه الصلاة والسلام في أحاديث ( لا إله إلا أنت سبحانك إني كنت من الظالمين )

عندك حق painterوالله

--------------------------------------------------------------------------------

_ ماهي نظرتك للبنت ذات الملابس الخارجة عـن حدود الأدب ؟
اكيد بيتقال عليها مش محترمة دى بعيدا جدا عن البنات المحترمين

_ هل تحكم على أي بنت بمجرد النظر الي لباسها ؟ وماهو حد الحشمة عندك ؟
_من وجة نظرى لو بنت مؤدبة اكيد لبسها هيكون زيهاااااااا
هل لحشمة الملابس دور في إحترام الفتاة أم أنها قناع زائف لدى بعض البنات ؟
_فى دة وفى دة
هل تعتقد أن الغزو الفكري هو من أوصل أغلب الشباب الى نشر فضايح البنات ؟
_محدش بيفضح حد غير ااما الحد دة يديلة فرصة انة يتفضح
هل أنت ممـن يؤيدون خروج الفتاة بـدون محـرم لسوق ٍ أو غيره من الأماكن العامة ؟
_والله حرية شخصية
هل تقبـل أن تتـزوج بفتـاة ٍ عرضـت نفسها عليـك بعـد خروجهـا معـك ؟ ولمـاذا ؟
سؤال صعب يارب ميوقع حد فى التجربة دى
--------------------------------------------------------------------------------

كلام كويس وحوار صح بس فين ألى يقراء فين ألي يرد

_ماسبب مضايقة الشاب للبنت في الاسواق ؟

على راى رنا بتبقى حاجه تافهه منهم بيحبوا يستظرفوا ويستخفوا دمهم بيفتكروا انها خفه او حلاوه روح بس فعلا بيبقى شكله بايخ اوى وبيتال عليه بنى ادم تافهه
_هل تعقديين أن الشاب هو من يبدأ في معاكسة البنت أم العكـس
اه الشاب اللى بيبدا مش معقول بنت تروح لولد وتعاكسه ممكن تحصل بس من بنات مش كويسه بقى

_ ماسبب عدم إحتشام البنات أثناء خروجهم ؟

هو فيه بنات وبنات فيه بنات لبسها كويس وبنات لبسها مش كويس وجه بيبقى على حسب البيئه والمكان اللى اتربت فيه وعاشت فيه

هل تعتقدين أن التفتح هو سبب ظهور هذه الفتن مثل الكليبات والفضائيات الهابطة ؟
اه اكيد

هل تتدخل أسرتك في إنتقاء ملابسك ؟وهـل هـذى يضايقك ويحسسك بعدم الرضاء عن نفسك ؟

لا مش بيدخلو ودى حريه شخصيه بيدخلو لو شايفين انى لايسه حاجه او لبس ضيق شويه ومش عاجبهم والحمد لله احنا لبسنا محترم

تعتقدين أن ملابس البنت هي من تفرض احترامها عند خروجها من بيتها ؟

مش شرط فيه بنات مش محجبه ومحترمين جدا وفيه بنات متنفبين ومش كويسين ومغطين وشهم بس عشان هما مش محترمين مش شرط

مامدى تاثير الأصدقاء على أطباعك وشخصيتك ؟

احنا اصحاب اه وكل حاجه بس مفيش حد ليه دعوه بحد كل واحد حر بس فى نفسه بس لاكن بناخد راى بعض فى حاجات كتير اوى وبنستفيد من بعض كتير
وشكرا

ماهي نظرتك للبنت ذات الملابس الخارجة عـن حدود الأدب ؟
بنت سافلة طبعا

هل تحكم على أي بنت بمجرد النظر الي لباسها ؟ وماهو حد الحشمة عندك ؟
اللبس عنوان البنت ياعنى بيكون لة دلالة على شخصيتها تقدر تعرف هيا متزنة محترمة سافلة كدة ياعنى لكن مفيش حاجة اسمها بنت مش محجبة ومحترمة لا لازم يكون عندها كسور مستحيل تكون ذى المحجبة
حد الحشمة عندى هوا الحجاب الشرعى

هل لحشمة الملابس دور في إحترام الفتاة أم أنها قناع زائف لدى بعض البنات ؟
طبعا لة دور كبير جدا وعمر الحشمة متكون قناع تحت اى ظرف

هل تعتقد أن الغزو الفكري هو من أوصل أغلب الشباب الى نشر فضايح البنات ؟
لا مش الغزو الفكرى قلة الايمان الى عملت كدة

هل أنت ممـن يؤيدون خروج الفتاة بـدون محـرم لسوق ٍ أو غيره من الأماكن العامة ؟
بصراحة لا ولا اى انسان مسلم يرضى بكدة

هل تقبـل أن تتـزوج بفتـاة ٍ عرضـت نفسها عليـك بعـد خروجهـا معـك ؟ ولمـاذا ؟
مبيعرضش نفسة دايما غير الرخيص

_ ماسبب مضايقة الشاب للبنت في الاسواق ؟
شباب فاضيه مش لاقيه حاجه تعملها او بيعتبروها شطاره

هل تعقديين أن الشاب هو من يبدأ في معاكسة البنت أم العكـس ؟
اكيد الشاب هو اللى بيبدا

_ ماسبب عدم إحتشام البنات أثناء خروجهم ؟
ممكن بيقلدوا اللى شيفينوا من وسائل الاعلام او زملائهم او زى ما بيقولوا انهم بيتبعوا الموضه

_هل تعتقدين أن التفتح هو سبب ظهور هذه الفتن مثل الكليبات والفضائيات الهابطة ؟
دى من احد الاسباب ولان ممكن ميكنش حد يقتدى بيه وخصوصا في الزمن ده

_ هل تتدخل أسرتك في إنتقاء ملابسك ؟وهـل هـذى يضايقك ويحسسك بعدم الرضاء عن نفسك ؟
اه بتتدخل انا بخده عادى مفيش مشكله بدل ما ده بيرضيهم

_تعتقدين أن ملابس البنت هي من تفرض احترامها عند خروجها من بيتها ؟
معتقدش لان البس مش هو الى بيحدد اذا كانت محترمه ولا لا لان البس دى حاجه شخصيه والناس بتختلف ازواقها فممكن هى شايفاه محترم وناس تانيه شايفه عكس كده والمفروض ان مفيش حد ينتقد لبس حد بس ممكن النصيحه باسلوب محترم بدل التلايح بالكلام

_ مامدى تاثير الأصدقاء على أطباعك وشخصيتك ؟

مفيش اى تاثير لان معتدش في حاجه اسمعها صداقه حقيقيه وممكن كتير مش معايا في رايي بس ده الى انا شايفاه لحد دلوقتى

_ماسبب مضايقة الشاب للبنت في الاسواق ؟
رخامة ونتانة وغلاسة وقله ادب ووقاحة وكفاية كده لإنى مبحبش اغلط فى حد

_هل تعقديين أن الشاب هو من يبدأ في معاكسة البنت أم العكـس
طبعا الولد هو اللى بيبدأ بس بردو الانسان المخترم محترم
_ ماسبب عدم إحتشام البنات أثناء خروجهم ؟

الاحشام عمره م كان بيتقاس بالمظهر الخارجى او اللبس
لان فى بنات كتير لبسهم كويس بس الله اعلم بالللى جواهم والعكس صحيح بس طبعا الا من رحم ربى
هل تعتقدين أن التفتح هو سبب ظهور هذه الفتن مثل الكليبات والفضائيات الهابطة ؟
اه اكيد

هل تتدخل أسرتك في إنتقاء ملابسك ؟وهـل هـذى يضايقك ويحسسك بعدم الرضاء عن نفسك ؟

انا مش بسمح لحد انه يتدخل فى لبسى لانى من نفسى والحمد لله عارفة ان انا بلبس كويس وشايفة نفسى قبل م اخرج
واهلى شايفنى يبقى خلاص انا مطمنة
تعتقدين أن ملابس البنت هي من تفرض احترامها عند خروجها من بيتها ؟
لا طبعا

مامدى تاثير الأصدقاء على أطباعك وشخصيتك ؟

انا الحمد لله باخد الصفات الحلوة منهم والوحش ببعد عنه

اقتباس :: وكفاية كده لإنى مبحبش اغلط فى حد

فعلا كفاية كدة يافرفشة gdg

شكرا على تواجدك فى القضية ومشاركتك الجميلة اتمنى تكرارها فى بقية مواضيع المنتدى

انشاء الله